Sekretour·ez Eil Derez

Ur c’hevread kevredigezhel, laik, digoust ha digor d’an holl eo Diwan. Hiziv an deiz ez eo an hentenn gelenn nemeti o kinnig deskiñ brezhoneg dre soubidigezh. Krouet ouzhpenn 48 vloaz zo ez eus e Diwan 48 skol, 7 skolaj ha 2 lise, dasparzhet war 5 departamant Breizh istorel.

Diwan zo o klask ur skekretour·ez evit e servij Eil derez. E-kreizig-kreiz servijoù melestradurezh ar c’hevread e voc’h kendivizer·ez lodenn vrasañ eus koskor an eil derez war statud publik pe brevez hag e degouezh e voc’h da labourat en un endro brezhonek.

Dindan atebegezh renerezh an Eil derez ha war sikour atebeg ar c’hoskor e vo fiziet ennoc’h kefridioù liesseurt a sello, ar c’hoskor, ar sekretouriezh rik hag ar merañ savadurioù an tiez skol.

Fiziet e vo ennoc’h :

-Kefridioù liammet gant renerezh eil derez

-Kas ha respont d’ar goulennoù kaset gant an implijidi

-Derc’hel doserioù melestradurel an implijdi, ar gelenerien

-Ober war dro al lodenn velestradurel eus ar fiñvadegoù (renerien, kelenerien, kasour)

-Skoazellañ aozadur ar bodadoù tuta kasourien ha kelennerien

-Prientiñ ar pezhioù a vo ezhomm evit an emvodoù, sevel ha kas ar rentaoù kont

-Heuliañ amzer labour ar gasourien hag an ezvezañsoù

-Kefridioù liammet gant an tiez skol :

-Ober war dro ar skoazell transport

-Skignañ an arnodennoù AKED ha DIBAB evit an holl tiez skol

-Aozañ fórum an heñchañ en ur genlabourat gant renerezh an ti skol degemer

-Renabliñ disoc’hoù ar skolidi d’an arnodennoù ha sevel statistikoù diouto

• Doare den :

Digor eo ar post-mañ d’an holl brofiloù.

Diouzh ho stummadur kentañ pe ho skiant-prenet micherel e vo raktreset ur prantad stummadur diabarzh evit ma c’helloc’h pakañ ar barregezhioù ret a-nebeudoù evit ar post-mañ.

Setu amañ barregezhioù mat da gaout evit ar post-mañ :

–          Mestroniañ ar brezhoneg kenkoulz dre gomz ha dre skrid (B2 pe C1 en DCL Brezhoneg) ;

–          Mestroniañ word hag excel ;

–          Anavezout an eil derez ;

–          Anavezout mat mont en-dro an Deskadurezh Stad.

Emren ha plijet gant al labour a-stroll ez oc’h strizh war al labour, aes gant an dud ha gouest d’en em azasaat buan ouzh un endro labour nevez.

Titouroù all :

Amzer labour : Leun amzer

Lec’h labour : Landerne

Kevrat : Didermen

Deiziad kregiñ : 27/08/2025

Gopr kregiñ : diouzh ho skiant prenet hag ar c’haelioù o talvezout e Diwan

Spletoù : gwarez yec’hed, prevoyañs

Koñjeoù paeet : 6 sizhun