Ar steredoniezh gant Loargann
Un abadenn gant Loargann e Roudour Kemper
Ar planedennoù, ar stered, ar steredegoù hag ar galaksiennoù pe stergoumoulennoù...
Aozet e oa bet un abadenn steredoniezh gant ar gevredigezh Loargann hag ar stummerien evit stajidi Roudour e Kemper.
Christiane Piton, prezidantez ar gevredigezh, ha Dominique Merrien, ezel eus Loargann, a oa deuet e ti Roudour Kemper evit displegañ d’an dud ar pezh a weler en oabl, a-dost hag a-bell, ar planedennoù, ar stered, ar steredegoù hag ar galaksiennoù pe stergoumoulennoù.
Da gentañ e oa bet kinniget ganto ar film graet diwar Loargann gant France 3 ha da heul e oa bet ur gaozeadenn e brezhoneg diwar-benn ar steredoniezh gant ar stajidi hag ar stummerien.
Un nozvezh steredoniezh a ginnig Flapomp, asambles gant ar gevredigezh Loargann e Kore d’an 20 a viz Mae. Un digarez evit an holl dud, kozh ha yaouank, da zeskiñ war an danvez.
Mar fell deoc’h gouzout hiroc’h diwar-benn ar gevredigezh Loargann hag o obererezh, sellit ouzh o lec’hienn : https://loargann.info
Nozvezh steredoniezh gant Loargann ha Flapomp : https://my.weezevent.com/nozvezh-steredoniezh-soiree-astronomique
